Considérase tipicamente que a principal función, que desenvolve o pronome de dativo (me, che, lle, nos, vos, lles) dentro dunha oración é a de obxecto indirecto moitas veces equivalendo a un sintagma preposicional encabezado por a:
Seguro que che darán un posto de traballo na nova empresa. (a ti)
Faille caso á profesora, ela é unha persoa moi sabida.(a ela)
Deiche o agasallo polo teu aniversario .(a ti)
Ademais tamén pode realizar a función de suxeito de infinitivo nas estruturas verbo finito+infinitivo+pronome cando o verbo en forma fìnita (conxugada) é impersoal: (cómpreche traballar máis= cómpre que ti traballes máis).
Pode ter os valores especiais de dativo de interese, dativo de solidariedade ou dativo posesivo.
Dativo de interese:
Existe unha persoa (normalmente o emisor) que ten interese nos feitos relatados, no seu desenvolvemento ou na súa consecuencia (non participa directamente). Non te me vaias de aquí.
Voulle mercar unhas luvas novas a Albiña, coas vellas vénselleme os dedos.
me a persoa aludida ten interese nos feitos pero non participa.
Albiña (sux.)
Lle (CI)
Tiña que alimentar o gato, mentres lle viviu.
Lle fai referencia ao gato.
Dativo de solidariedade:
O dativo de solidaridade constitúe unha característica peculiar do galego. Designa un oínte que non participa nos feitos e o emisor pretende convertilo en participante (recibindo deles beneficio ou dano) co obxectivo de manter a súa atención e garantir a súa complicidade solidaria, inclinándoo cara ás súas posicións. Represéntase mediante un clítico de segunda persoa e é preciso certo grao de familiaridade e un contexto coloquial ou afectivo. Non desempeña función sintáctica senón pragmática ou informativa. Formas clíticas familiares che, vos e de cortesía lle, lles. Che é o máis común. Como por exemplo:
A min molestoume sacar tan mala nota, pero non por iso che deixei de durmir.
Téñovos moito que estudar. (Familiaridade)
-Téñolle moito que estudar. (Cortesía)
Dativo posesivo
Indica posesión, pertenza ou outros valores similares a respecto dun elemento da frase que designa partes do corpo, obxectos persoais, parentesco…, establecendo relacións propias dos pronomes posesivos.
Pisouche o pé esquerdo co seu tacón.
Comentarios
Publicar un comentario